"Tottenxem" hujumchisi Xarri Keyn "Chelsi"ning qisqa ro‘yxatidan o‘rin oldi.
The Sun xabariga ko‘ra, "ko‘klar" 29 yoshli hujumchining transferi borasida "shporlar" bilan bog‘lanishgan. Qayd etilishicha, Keyn xizmatlariga shaxsan futbolchi bilan “Tottenxem”da birga ishlagan “Chelsi” boshqaruvchisi Maurisio Pochettino qiziqmoqda.
Keyn o‘tgan mavsumda barcha musobaqalarda 49 o‘yinda 32 gol urgan. Bundan tashqari, hujumchi beshta golli uzatma ham amalga oshirgan.
Avvalroq, angliyalik to‘purarni "Real", "Manchester Yunayted" va "Bavariya" kuzatayotgani xabar qilingandi.