"Bayer" hujumchisi Serdar Azmun yozda klubni tark etishi mumkin, deya xabar beradi Kicker.
Manbaga ko‘ra, 28 yoshli eronlik futbolchi hozir olayotgan o‘yin vaqtidan mamnun emas va yangi jamoa izlamoqda.
"Agar Serdar ketsa, biz uning o‘rnini egallash uchun yangi odamni qidiramiz", dedi "dorixonachilar" sport direktori Saymon Rolfes.
Azmun 2022 yilning yanvarida "Zenit"dan "Bayer"ga o‘tgan edi. 2022/23 yilgi mavsumda hujumchi leverkuzenliklar safida 33 o‘yinda 4 ta gol urdi va 4 ta golli uzatmani amalga oshirdi.