"Байер" ҳужумчиси Сердар Азмун ёзда клубни тарк этиши мумкин, дея хабар беради Kicker.
Манбага кўра, 28 ёшли эронлик футболчи ҳозир олаётган ўйин вақтидан мамнун эмас ва янги жамоа изламоқда.
"Агар Сердар кетса, биз унинг ўрнини эгаллаш учун янги одамни қидирамиз", деди "дорихоначилар" спорт директори Саймон Рольфес.
Азмун 2022 йилнинг январида "Зенит"дан "Байер"га ўтган эди. 2022/23 йилги мавсумда ҳужумчи леверкузенликлар сафида 33 ўйинда 4 та гол урди ва 4 та голли узатмани амалга оширди.