"Yuventus" klubi hujumchi Roberto Firminoni sotib olmoqchi, deya xabar beradi Calciomercato.
31 yoshli braziliyalik futbolchi shartnomasi muddati tugashi sababli iyun oyi oxirida "Liverpul"ni tark etadi.
Manbaga ko‘ra, "Yuventus" bir yil avval Firminoni sotib olmoqchi bo‘lgan, ammo "Liverpul" bosh murabbiyi Yurgen Klopp bunga qarshi chiqqan.
Firmino 2015 yildan beri mersisaydliklar safida o‘ynab kelmoqda. 2022/23 yilgi mavsumda hujumchi 35 ta o‘yinda maydonga tushib, 13 ta gol urdi va 5 ta golli uzatmani amalga oshirdi.
