"Ювентус" клуби ҳужумчи Роберто Фирминони сотиб олмоқчи, дея хабар беради Calciomercato.
31 ёшли бразилиялик футболчи шартномаси муддати тугаши сабабли июнь ойи охирида "Ливерпуль"ни тарк этади.
Манбага кўра, "Ювентус" бир йил аввал Фирминони сотиб олмоқчи бўлган, аммо "Ливерпуль" бош мураббийи Юрген Клопп бунга қарши чиққан.
Фирмино 2015 йилдан бери мерсисайдликлар сафида ўйнаб келмоқда. 2022/23 йилги мавсумда ҳужумчи 35 та ўйинда майдонга тушиб, 13 та гол урди ва 5 та голли узатмани амалга оширди.













