Londonning "Arsenal" klubi yarim himoyachisi Tomas Parti Angliya Premyer-ligasini Italiya A Seriyasiga o‘zgartirishi mumkin. Bu haqda insayder Ekrem Konur ijtimoiy tarmoqlar orqali ma’lum qildi.
Jurnalistning yozishicha, 30 yoshli ganalik yarim himoyachining transferiga “Milan” va “Inter” qiziqish bildirmoqda. Ikkala klub ham yozgi transfer oynasida Tomasni sotib olishga harakat qiladi.
Transfermarkt futbolchining qiymatini 38 million yevroga baholamoqda. Futbolchining "kanonirlar" bilan tuzgan mehnat shartnomasi 2025 yilning iyun oyi oxirida yakuniga yetadi.
Yarim himoyachi o‘tgan mavsumda APLda 33ta o‘yinda maydonga tushib, 3ta gol urgan.