Лондоннинг "Арсенал" клуби ярим ҳимоячиси Томас Парти Англия Премьер-лигасини Италия А Сериясига ўзгартириши мумкин. Бу ҳақда инсайдер Экрем Конур ижтимоий тармоқлар орқали маълум қилди.
Журналистнинг ёзишича, 30 ёшли ганалик ярим ҳимоячининг трансферига “Милан” ва “Интер” қизиқиш билдирмоқда. Иккала клуб ҳам ёзги трансфер ойнасида Томасни сотиб олишга ҳаракат қилади.
Transfermarkt футболчининг қийматини 38 миллион еврога баҳоламоқда. Футболчининг "канонирлар" билан тузган меҳнат шартномаси 2025 йилнинг июнь ойи охирида якунига етади.
Ярим ҳимоячи ўтган мавсумда АПЛда 33та ўйинда майдонга тушиб, 3та гол урган.