"Atletiko Paranaense" hujumchisi Vitor Roke "Barselona"ga o‘tsa, jamoaning mavsumoldi o‘yinlarini o‘tkazib yuborishi mumkin. Sport nashrining xabariga ko‘ra, braziliyalik futbolchining hattoki o‘rtoqlik o‘yinlarida ham o‘ynashi taqiqlanadi, toki "ko‘k-anorranglilar" uning transferini rasmiy ro‘yxatdan o‘tkazmaguncha.
Eslatib o‘tamiz, “Barselona” Rokeni 35 million yevro evaziga sotib olishga juda yaqin turibdi. "Atletiko Paranaense" kelajakda yana 10 million bonus olishi mumkin, ammo bu Vitorning o‘ziga bog‘liq.
18 yoshli Roke o‘zining transferi rasman yakunlanishini kutishda davom etmoqda. Biroq, bundan keyin "Barselona" futbolchini ro‘yxatdan o‘tkazishi kerak, moliyaviy muammolar tufayli buni amalga oshirish oson bo‘lmaydi.
