"Атлетико Паранаэнсе" ҳужумчиси Витор Роке "Барселона"га ўтса, жамоанинг мавсумолди ўйинларини ўтказиб юбориши мумкин. Sport нашрининг хабарига кўра, бразилиялик футболчининг ҳаттоки ўртоқлик ўйинларида ҳам ўйнаши тақиқланади, токи "кўк-анорранглилар" унинг трансферини расмий рўйхатдан ўтказмагунча.
Эслатиб ўтамиз, “Барселона” Рокени 35 миллион евро эвазига сотиб олишга жуда яқин турибди. "Атлетико Паранаэнсе" келажакда яна 10 миллион бонус олиши мумкин, аммо бу Виторнинг ўзига боғлиқ.
18 ёшли Роке ўзининг трансфери расман якунланишини кутишда давом этмоқда. Бироқ, бундан кейин "Барселона" футболчини рўйхатдан ўтказиши керак, молиявий муаммолар туфайли буни амалга ошириш осон бўлмайди.