David de Xeaning "Manchester Yunayted"dan tekinga ketishi ehtimoli kundan-kunga ortib bormoqda. Jurnalist Samuel Lakxyorstning so‘zlariga ko‘ra, ispaniyalikning jamoadoshlari darvozabonning hech bo‘lmaganda keyingi mavsumda jamoada qolishiga ishonchlari komil emas. Manbaning qayd etishicha, oy boshida vaziyat ijobiy bo‘lgan, ammo bugunga kelib hammasi o‘zgargan.
Hozirda De Xea shartnomani yangilash va qolishdan ko‘ra ketishga yaqinroq. Eslatib o‘tamiz, David jamoani tark etsa, "Manchester Yunayted" 60 million yevroga baholangan "Inter"dan Andre Onanani sotib olishga harakat qiladi.