Давид де Хеанинг "Манчестер Юнайтед"дан текинга кетиши эҳтимоли кундан-кунга ортиб бормоқда. Журналист Самуэль Лакхёрстнинг сўзларига кўра, испанияликнинг жамоадошлари дарвозабоннинг ҳеч бўлмаганда кейинги мавсумда жамоада қолишига ишончлари комил эмас. Манбанинг қайд этишича, ой бошида вазият ижобий бўлган, аммо бугунга келиб ҳаммаси ўзгарган.
Ҳозирда Де Хеа шартномани янгилаш ва қолишдан кўра кетишга яқинроқ. Эслатиб ўтамиз, Давид жамоани тарк этса, "Манчестер Юнайтед" 60 миллион еврога баҳоланган "Интер"дан Андре Онанани сотиб олишга ҳаракат қилади.
