"Inter" hujumchisi Edin Jeko faoliyatini "Fenerbaxche"da davom ettiradi, deya xabar beradi jurnalist Nikolo Skira.

Manbaning xabariga ko‘ra, futbolchi bilan shartnoma 2025 yilgacha mo‘ljallangan. Qayd etilishicha, futbolchining transferi shu hafta yakunlanadi.

Jeko 30 iyun kuni "Inter" bilan shartnomasi tugashi bilan erkin agentga aylanadi.

Oldinroq futbolchi "Inter"da qolishni istashi va jamoa rahbariyati bilan muloqot kutayotgani haqida xabar berilgandi.

Joriy mavsumda Jeko Italiya klubi safida 51 ta o‘yinda maydonga tushib, 14 ta gol urdi va 5 ta golga assistentlik qildi. Transfermarkt portaliga ko‘ra futbolchining narxi 4 million yevroga baholanmoqda.