"Интер" ҳужумчиси Эдин Жеко фаолиятини "Фенербахче"да давом эттиради, дея хабар беради журналист Николо Скира.
Манбанинг хабарига кўра, футболчи билан шартнома 2025 йилгача мўлжалланган. Қайд этилишича, футболчининг трансфери шу ҳафта якунланади.
Жеко 30 июнь куни "Интер" билан шартномаси тугаши билан эркин агентга айланади.
Олдинроқ футболчи "Интер"да қолишни исташи ва жамоа раҳбарияти билан мулоқот кутаётгани ҳақида хабар берилганди.
Жорий мавсумда Жеко Италия клуби сафида 51 та ўйинда майдонга тушиб, 14 та гол урди ва 5 та голга ассистентлик қилди. Transfermarkt порталига кўра футболчининг нархи 4 миллион еврога баҳоланмоқда.
