"Arsenal" ikkinchi marta "Chelsi"ga hujumchi Kay Xaversni sotib olish uchun murojaat qildi. Jurnalist Sami Mokbelning yozishicha, “kanonirlar” bu safar nemis uchun zudlik bilan 60 million yevro va yana 5 million yevro bonus taklif qilgan.
"Chelsi" taklif qilingan shartlarni qabul qilishga tayyormi yoki yo‘qligi hozircha noma’lum. Futbolchining "kanonirlar" safiga qo‘shilishni juda xohlayotganiga qaramay, "ko‘klar" avvalroq uning uchun roppa-rosa 80 million yevro talab qilgandi.
Eslatib o‘tamiz, avvalroq maksimal 50 million yevro to‘lashga tayyor bo‘lgan "Real Madrid" Xavers xizmatidan bosh tortgan edi. Kay 2020 yilning yozida “Bayer”dan “Chelsi”ga o‘tgandi.
