"Арсенал" иккинчи марта "Челси"га ҳужумчи Кай Хаверцни сотиб олиш учун мурожаат қилди. Журналист Сами Мокбелнинг ёзишича, “канонирлар” бу сафар немис учун зудлик билан 60 миллион евро ва яна 5 миллион евро бонус таклиф қилган.
"Челси" таклиф қилинган шартларни қабул қилишга тайёрми ёки йўқлиги ҳозирча номаълум. Футболчининг "канонирлар" сафига қўшилишни жуда хоҳлаётганига қарамай, "кўклар" аввалроқ унинг учун роппа-роса 80 миллион евро талаб қилганди.
Эслатиб ўтамиз, аввалроқ максимал 50 миллион евро тўлашга тайёр бўлган "Реал Мадрид" Хаверц хизматидан бош тортган эди. Кай 2020 йилнинг ёзида “Байер”дан “Челси”га ўтганди.