Qishki transfer oynasida himoyachi Joau Kanselu “Manchester Siti”dan ijara asosida “Bavariya”ga o‘tdi.
Portugaliyalik futbolchining jamoa bosh murabbiyi Xosep Gvardiola bilan munosabatlari yomon ekani haqida xabarlar tarqalgan edi.
"Bavariya" Kanseluga ishonch bildirmadi, endi esa futbolchining kelajagi mavhum. Ammo 29 yoshli portugaliyalik "Manchester Siti"da qolmasligi aniq.
Nufuzli insayder Fabrisio Romanoning ijtimoiy tarmoqlarda xabar berishicha, xayrlashish qarori ham futbolchi, ham klub tomonidan aniq ishlab chiqilgan.
Qayd etilishicha, Kanseluning ketishi "Manchester Siti"ning Kayl Uoker bilan shartnomani uzaytirish uchun urinishlariga yana bir sababdir.