Қишки трансфер ойнасида ҳимоячи Жоау Канселу “Манчестер Сити”дан ижара асосида “Бавария”га ўтди.
Португалиялик футболчининг жамоа бош мураббийи Хосеп Гвардиола билан муносабатлари ёмон экани ҳақида хабарлар тарқалган эди.
"Бавария" Канселуга ишонч билдирмади, энди эса футболчининг келажаги мавҳум. Аммо 29 ёшли португалиялик "Манчестер Сити"да қолмаслиги аниқ.
Нуфузли инсайдер Фабрицио Романонинг ижтимоий тармоқларда хабар беришича, хайрлашиш қарори ҳам футболчи, ҳам клуб томонидан аниқ ишлаб чиқилган.
Қайд этилишича, Канселунинг кетиши "Манчестер Сити"нинг Кайл Уокер билан шартномани узайтириш учун уринишларига яна бир сабабдир.