U-17 Osiyo kubogining 2-turida O‘zbekiston o‘smirlar terma jamoasi 20 iyun, seshanba kuni Hindistonga qarshi bahs yuritdi.
Uchrashuvning birinchi bo‘limida hisob o‘zgarmadi. Ikkinchi bo‘lim oxirlab borayotganda Muhammadali Raimov O‘zbekistonga g‘alaba keltirgan gol muallifiga aylandi.
"D" guruhining ikkinchi o‘yinida Yaponiya o‘smirlari Vyetnamni 4:0 hisobida taslim etdi.
1-turda O‘zbekiston futbolchilari Yaponiyaga qarshi bahs olib borgan va o‘yinda 1:1 hisobi qayd etilgandi.
So‘nggi tur oldidan Yaponiya va O‘zbekiston jamoalari 4 ochkodan to‘plab, guruhda peshqadam bo‘lib turibdi. 3-turda O‘zbekiston Vyetnamga qarshi, Yaponiya esa Hindistonga qarshi to‘p suradi. O‘yinlar 23 iyun kuni bo‘lib o‘tadi.
Guruhda birinchi o‘rinni egallagan jamoa chorak finalda "C" guruhi 2-o‘rin egasi bilan o‘ynaydi. Ayni vaqtda Avstraliya, Xitoy va Tojikiston ushbu o‘ringa da’vogar. Mazkur guruhda birinchi o‘rin masalasini hal qilib qo‘ygan Saudiya Arabistoni esa "D" guruhida ikkinchi o‘rinni olgan jamoa bilan o‘ynaydi.
Eslatib o‘tamiz, mazkur musobaqada yarim finaliga chiqqan jamoalar U-17 Jahon chempionatiga yo‘llanmani qo‘lga kiritadi.
U-17 Osiyo Kubogi—2023
2-tur bahslari
20 iyun, seshanba
O‘zbekiston – Hindiston 1:0
Gol: 1:0 – 81 Raimov.
Vyetnam – Yaponiya 0:4
Gollar: 0:1 – 2 Michivaki, 0:2 – 59 Mochizuki, 0:3 – 66 Sato, 0:4 – 74 Mochizuki.
