"PSJ" PSV yarim himoyachisi Xavi Simons uchun qancha to‘lashi ma’lum bo‘ldi.

Insayder Fabrisio Romanoning so‘zlariga ko‘ra, parijliklar klubi uchun sotib olish summasi bor-yo‘g‘i 6 million yevroni tashkil qiladi. Ushbu parametr faqat iyul oyida, 1 dan 31 kungacha faollashtirilishi mumkin. Yakuniy qaror faqat 20 yoshli futbolchida qoladi. "PSJ" undan javob kutmoqda.

Oldinroq PSV yarim himoyachisi "PSJ" uni qaytarishni xohlayotganini bilishini aytgandi. Biroq Simons jamoada hali murabbiy yo‘qligidan xijolat tortmoqda.

Futbolchining shartnomasi 2027 yilning yoziga qadar mo‘ljallangan. 2022/23 yilgi mavsumda Simons jamoa safida 48 ta o‘yinda maydonga tushib, 22 ta gol urdi va 12 ta golli uzatmani amalga oshirdi.