"Nyukasl" birinchi urinishda Sandro Tonalini qo‘lga kirita olmadi.

Calciomercato xabariga ko‘ra, "Milan" 55-60 million yevrolik boshlang‘ich taklifni rad etgan.

"Qarg‘alar" summani 80 millionga ko‘tarishlari yoki hech bo‘lmaganda bu miqdorga yaqinlashishlari kerak - "rossonerilar" buni minimal ruxsat etilgan deb hisoblashadi.

23 yoshli yarim himoyachiga 6,5 million yevro va bonuslar taklif qilinmoqda, bu orqali Sandro yiliga 7,5 million ishlab olishi mumkin. Futbolchi hozircha transferga qiziqmayapti.

Tonali 2022/23 yilgi mavsumda A Seriyada 34 ta o‘yinda 7 ta golli uzatmani amalga oshirgan.