"Inter" yarim himoyachisi Marselo Brozovich Saudiya Arabistoni klublari bilan muzokaralarni davom ettirmoqda, "qora-ko‘klar" uning uchun 15 million yevrodan ko‘proq talab qiladi, deb yozadi insayder Fabrisio Romano.
Manba bergan xabarga ko‘ra, yaqin ikki kun ichida xorvatiyalik yarim himoyachi Saudiya Arabistonining nomi oshkor etilmagan klublari bilan aloqani davom ettiradi. Agar uning xizmatlariga qiziqqan tomon milanliklarga 15 million yevrodan ko‘proq pul taklif qilsa, u "Inter"ni tark etishi mumkin.
Qayd etilishicha, "qora-ko‘klar" avvalroq aynan 30 yoshli yarim himoyachi uchun ko‘proq pul olishni istashlari sababli ilk taklifni rad etishgan.
Brozovich o‘tgan mavsum A Seriyada “Inter” safida 28 ta o‘yinda maydonga tushib, 3 ta gol urdi va 5 ta golli uzatmani amalga oshirdi.
