"Интер" ярим ҳимоячиси Марсело Брозович Саудия Арабистони клублари билан музокараларни давом эттирмоқда, "қора-кўклар" унинг учун 15 миллион евродан кўпроқ талаб қилади, деб ёзади инсайдер Фабрицио Романо.
Манба берган хабарга кўра, яқин икки кун ичида хорватиялик ярим ҳимоячи Саудия Арабистонининг номи ошкор этилмаган клублари билан алоқани давом эттиради. Агар унинг хизматларига қизиққан томон миланликларга 15 миллион евродан кўпроқ пул таклиф қилса, у "Интер"ни тарк этиши мумкин.
Қайд этилишича, "қора-кўклар" аввалроқ айнан 30 ёшли ярим ҳимоячи учун кўпроқ пул олишни исташлари сабабли илк таклифни рад этишган.
Брозович ўтган мавсум А Серияда “Интер” сафида 28 та ўйинда майдонга тушиб, 3 та гол урди ва 5 та голли узатмани амалга оширди.