"Barselona" hujumchisi Robert Levandovski Saudiya Arabistoniga o‘tishdan bosh tortdi.
Jurnalist Nikolo Skiraning xabar berishicha, 34 yoshli hujumchi Saudiya klubidan juda foydali taklif olgan, biroq rad javobini bergan. Manbaning ta’kidlashicha, nomi oshkor etilmagan klub Levandovskiga yiliga 100 million yevro maosh bilan uch mavsumlik mehnat shartnomasi taklif qilgan, biroq futbolchi kataloniyaliklar uchun o‘yinini davom ettirish niyatida.
Avvalroq Levandovskining o‘zi futbolchilik faoliyatini "Barselona" tarkibida yakunlamoqchi ekanligini aytgandi.
Polshalik hujumchining kataloniyaliklar bilan shartnomasi 2026 yilning yoziga qadar mo‘ljallangan. Transfermarkt portali futbolchining narxini 30 million yevroga baholamoqda.