"Барселона" ҳужумчиси Роберт Левандовски Саудия Арабистонига ўтишдан бош тортди.
Журналист Николо Скиранинг хабар беришича, 34 ёшли ҳужумчи Саудия клубидан жуда фойдали таклиф олган, бироқ рад жавобини берган. Манбанинг таъкидлашича, номи ошкор этилмаган клуб Левандовскига йилига 100 миллион евро маош билан уч мавсумлик меҳнат шартномаси таклиф қилган, бироқ футболчи каталонияликлар учун ўйинини давом эттириш ниятида.
Аввалроқ Левандовскининг ўзи футболчилик фаолиятини "Барселона" таркибида якунламоқчи эканлигини айтганди.
Польшалик ҳужумчининг каталонияликлар билан шартномаси 2026 йилнинг ёзига қадар мўлжалланган. Transfermarkt портали футболчининг нархини 30 миллион еврога баҳоламоқда.