“Manchester Siti” yarim himoyachisi Bernardu Silva joriy transfer oynasida Yevropaning boshqa top-ligasiga o‘tishi mumkin. Todofichajes xabariga ko‘ra, 28 yoshli portugaliyalikni qo‘lga kiritish uchun "PSJ" favorit hisoblanadi.
Fransiya klubida "Barselona"dan ko‘ra yarim himoyachini sotib olish imkoniyati kattaroq. Parijliklar "ko‘k-anorranglilar"ga nisbatan kengroq moliyaviy imkoniyatlarga ega.
Bernardu "Siti"da 2017 yilning yozidan buyon to‘p tepadi va uning klub bilan shartnomasi 2024/2025 yilgi mavsum oxirida tugaydi. Transfermarkt yarim himoyachini 80 million yevroga baholamoqda.