“Манчестер Сити” ярим ҳимоячиси Бернарду Силва жорий трансфер ойнасида Европанинг бошқа топ-лигасига ўтиши мумкин. Todofichajes хабарига кўра, 28 ёшли португалияликни қўлга киритиш учун "ПСЖ" фаворит ҳисобланади.
Франция клубида "Барселона"дан кўра ярим ҳимоячини сотиб олиш имконияти каттароқ. Парижликлар "кўк-анорранглилар"га нисбатан кенгроқ молиявий имкониятларга эга.
Бернарду "Сити"да 2017 йилнинг ёзидан буён тўп тепади ва унинг клуб билан шартномаси 2024/2025 йилги мавсум охирида тугайди. Transfermarkt ярим ҳимоячини 80 миллион еврога баҳоламоқда.