Kefren Ulyen-Tyuram ("Nissa" yarim himoyachisi)
Makallisterning kelganiga qaramay, "Liverpul"ning yarim himoya chizig‘ini yanada kuchatirish kerak. Lilian Tyuramning o‘g‘li Kefren "qizillar"ning o‘rta chizig‘iga yangi qon olib kiradi va potensiyal ravishda Jordan Xendersonning o‘rnini bosa oladi. Kloppga nafaqat texnik jihatdan yengil, balki jismoniy kuch qo‘sha oladiganlar ham kerak. Tyuram harakatchan va ko‘p qirrali, to‘p bilan ham yaxshi muomala qila oladi. 22 yoshli futbolchida yanada o‘sish uchun "mersisaydliklar" safida joy bor.
Mikki Van de Ven ("Volfsburg" markaziy himoyachisi)
Bu nom "Liverpul" sport dirktori Xorxe Shmadtke bilan bog‘liq. "Volfsburg" himoyachisi Germaniyadan "tumanli Albion"ga olib ketilishi kutilyapti. U allaqachon "qizillar"ning e’tibor markaziga aylangan. Mikkining "Liverpul"ga kelishi klubning himoya chizig‘idagi rang-baranglikni oshirib beradi.
Van de Ven jamoa Robertson va Trentdan voz kechib, 3 talik markaziy himoyachi rejimiga o‘tganida juda asqotadi.
Ron-Robert Siler ("Gannover" darvozaboni)
Alisson va Kellexer o‘z formasida bo‘lsa, uzoq yillar davomida davrozabon kerak emas deb o‘ylaysiz. Ammo Kellexer ko‘p vaqtini zahirada o‘tkazishga rozi bo‘lmasligi va asosiy tarkib uchun imkon berilmasa jamoani tark etish ehtimoli bor. O‘sha vaqtda "Liverpul"ga uzoq muddat zahirada o‘trishga rozi bo‘ladigan darvozabon kerak bo‘ladi.
"Mersisaydliklar"ga tegshishli bo‘lgan, o‘tgan mavsumni "Maksfild"da ijarada o‘tkazgan braziliyalik Marselo Pitula jamoaga qaytishi mumkin. Biroq, bu 20 yoshli darvozabon ham katta ehtimol Alisson bilan raqobatda yutqazib, klubni tark etishga urinadi. Uzoq muddat zahirada o‘tirishga rozi bo‘ladigan darvozabonlardan biri 34 yoshli Siler. Uning transferida ham Shmadtke bosh-qosh bo‘ladi.
Nikolo Barella ("Inter" yarim himoyachisi)
Yarim himoyaga yana qaytamiz. Agar "Liverpul" Makallisterga qo‘shib Tyuramni ham olsa, baribir ehtiyoj to‘laqonli qondirilmaydi. Alkantaraning ketishi va Xendersonning yoshini hisobga olsak, jamoaga 3 ta yangi yarim himoyachi kerak. Tarkibni salgina bo‘lsa ham yoshartirish lozim.
Barella o‘zining jangovar hislatlari bo‘yicha "Liverpul"ga juda mos keladi. O‘tgan yili Klopp Nikoloni maqtab, unda ideal yarim himoyachiga xos barcha fazilatlar borligini aytgandi. Barella "qizillar"ga Tyuram, Kone va Veygadan ko‘ra qimmatga tushishi aniq, ammo u bilan "mersisaydliklar" yuqori maqsadlarga erishishi mumkin.
Romeo Laviya ("Sautgempton" tayanch yarim himoyachisi)
Agar Barella va Tyuram transferi o‘xshasa, ularni tayanchda qo‘llab-quvvatlaydigan yana bir futbolchi kerak bo‘ladi. O‘tgan mavsumda Fabinyoning sport foramasi keskin pasayib ketgani sababli jamoa bir qancha muammolarga duch keldi. U bor-yo‘g‘i 30 yoshda, lekin u so‘nggi 5 yil ichida Klopp tizimida chidamlilik va shiddatli talablari bilan juda ko‘p o‘yin o‘tkazdi. Yildan yilga bunday ritmni saqlab qolish, albatta, qiyin.
"Liverpul"ning omadsiz mavsumiga ko‘p jihatdan yarim himoya dinamikasi va harakatchanligining pasayishi sabab bo‘lgan. Transferlarning asosiy maqsadi ana shu bo‘shliqni bartaraf etishga qaratilgan. Bundan tashqari, uzoq muddatli zahira variantlari kerak.
"Sautgempton"ning Premyer Ligadan tushib ketishi Laviyaning ketishini tezlashtirib yubordi. Bundan tashqari, "Liverpul" bu klubdan avval ham bir necha bor futbolchi xarid qilgan. Bu borada o‘ziga xos ta’minot zanjiri yuzaga kelgan. "Qizillar" shuningdek, quyi ligaga tushib ketgan klublardan ham transferlarni ayamagan. "Xall Siti"dan Robertson, "Nyukasl"dan Veynaldum va "Stok Siti"dan Shakiri bunga yaqqol misol bo‘la oladi.
Unutmaslik kerakki, Laviya o‘tgan yozda "Manchester Siti"dan "Sautgempton"ga ko‘chib o‘tgan va futbolchi hali ham "shaharliklar"ga tegishli. "Liverpul" transfer bozoridagi asosiy raqibini ortda qoldirmoqchi. Laviyaning o‘yin uslubi aynan Fabinyoning gullagan davrini eslatadi. U maydonni yaxshi ko‘ra oladi, markazda ustunlikni qo‘lga oladi. To‘pni uzoq vaqt davomida ushlab tura oladi, duyellarda g‘alaba qozonadi va hujumlarga faol qo‘shiladi. Ammo "Liverpul" Laviya uchun kurashda mas’uliyatli bo‘lishi kerak, chunki unga ko‘plab klublar qiziqish bildirgan.
Yangi mavsumda "Liverpul" tarkibida mana shunday o‘zgarishlar kutilyapti. Hammasini vaqt ko‘rsatadi. Ko‘ramiz, kuzatamiz.
