Samuel Umtiti "Barselona"ni tark etishga yaqin turibdi
Diario Sport xabariga ko‘ra, Umtitiga "Lion" qiziqish bildirmoqda. Hozirda transfer bo‘yicha muzokaralar yaxshi ketmoqda. Qayd etilishicha, “Barselona” kelishuvni amalga oshirish uchun barcha zarur shart-sharoitlarni taqdim etishga tayyor – hatto shartnomani muddatidan oldin bekor qilish ehtimoli ham inkor etilmaydi.
Umtitining "Lion"ga o‘tishi uchun fransuz klubi himoyachi Kasello Lukebani sotishi kerak. Lukeba yaqin kunlarda 30 mln yevro evaziga "Leypsig"ga o‘tishi kutilmoqda.
Umtiti 2022/23 yilgi mavsumni “Lechche”da ijara asosida o‘tkazdi va A Seriyada 25 ta o‘yinda maydonga tushdi.
