Самуэль Умтити "Барселона"ни тарк этишга яқин турибди
Diario Sport хабарига кўра, Умтитига "Лион" қизиқиш билдирмоқда. Ҳозирда трансфер бўйича музокаралар яхши кетмоқда. Қайд этилишича, “Барселона” келишувни амалга ошириш учун барча зарур шарт-шароитларни тақдим этишга тайёр – ҳатто шартномани муддатидан олдин бекор қилиш эҳтимоли ҳам инкор этилмайди.
Умтитининг "Лион"га ўтиши учун француз клуби ҳимоячи Каселло Лукебани сотиши керак. Лукеба яқин кунларда 30 млн евро эвазига "Лейпциг"га ўтиши кутилмоқда.
Умтити 2022/23 йилги мавсумни “Лечче”да ижара асосида ўтказди ва А Серияда 25 та ўйинда майдонга тушди.