"Yuventus" "Lill" vingeri Timoti Veani qo‘lga kiritish ustida ishlamoqda.
"Keksa senyora"ning amerikalik futbolchini sotib olish niyati haqidagi ma’lumotlar bir necha kun oldin paydo bo‘lgan edi. Jurnalist Jovanni Albanezening so‘zlariga ko‘ra, “Lill” Vea uchun taxminan 15 million yevro talab qilmoqda, “Yuventus” esa o‘z yarim himoyachisi Denis Zakariyani shartnomaga qo‘shishga tayyor.
Qayd etilishicha, 23 yoshli hujumchi “byankonerilar”ning hujumkor pozisiyasiga asosiy transfer maqsadlaridan biri hisoblanadi. Futbolchiga Madridning "Atletiko" klubi ham qiziqish bildirmoqda.
Timoti Vea Liga 1'ning so‘nggi mavsumida "Lill" safida 29 o‘yinda ikkita golli uzatmani amalga oshirdi.