"Ювентус" "Лилль" вингери Тимоти Веани қўлга киритиш устида ишламоқда.
"Кекса сенёра"нинг америкалик футболчини сотиб олиш нияти ҳақидаги маълумотлар бир неча кун олдин пайдо бўлган эди. Журналист Жованни Албанезенинг сўзларига кўра, “Лилль” Веа учун тахминан 15 миллион евро талаб қилмоқда, “Ювентус” эса ўз ярим ҳимоячиси Денис Закарияни шартномага қўшишга тайёр.
Қайд этилишича, 23 ёшли ҳужумчи “бянконерилар”нинг ҳужумкор позициясига асосий трансфер мақсадларидан бири ҳисобланади. Футболчига Мадриднинг "Атлетико" клуби ҳам қизиқиш билдирмоқда.
Тимоти Веа Лига 1'нинг сўнгги мавсумида "Лилль" сафида 29 ўйинда иккита голли узатмани амалга оширди.