"Everton" yarim himoyachisi Tom Devis 2023 yilning iyun oyi oxirida shartnomasi tugagach, klubni tark etadi.
"Devis shu oy oxirida amaldagi shartnomasi yakunlanganidan so‘ng "Everton"ni tark etadi. U klub bilan yangi shartnoma bo‘yicha taklifni rad etdi. Rahmat va eng yaxshi tilaklarimiz, Tom”, - deyiladi klub bayonotida.
24 yoshli yarim himoyachi 11 yoshidan buyon "Everton" safida to‘p tepadi, 2016 yilning aprel oyida 17 yoshida asosiy jamoada debyut qilgan. U 20 yoshu 60 kunligida "Everton" tarixidagi eng yosh sardorga aylandi.
Devis klub safida 179 ta o‘yinda maydonga tushib, 7 ta gol urdi va 8 ta golli uzatmani amalga oshirdi.
