"Эвертон" ярим ҳимоячиси Том Дэвис 2023 йилнинг июнь ойи охирида шартномаси тугагач, клубни тарк этади.
"Дэвис шу ой охирида амалдаги шартномаси якунланганидан сўнг "Эвертон"ни тарк этади. У клуб билан янги шартнома бўйича таклифни рад этди. Раҳмат ва энг яхши тилакларимиз, Том”, - дейилади клуб баёнотида.
24 ёшли ярим ҳимоячи 11 ёшидан буён "Эвертон" сафида тўп тепади, 2016 йилнинг апрель ойида 17 ёшида асосий жамоада дебют қилган. У 20 ёшу 60 кунлигида "Эвертон" тарихидаги энг ёш сардорга айланди.
Дэвис клуб сафида 179 та ўйинда майдонга тушиб, 7 та гол урди ва 8 та голли узатмани амалга оширди.
