"Bavariya" Frenki de Yongga qiziqish bildirmoqda.
Sky Sports Deustchland xabariga ko‘ra, "Bavariya" yarim himoyachining "Barselona"dagi holatini kuzatib bormoqda. Agar Ilkay Gyundogan "Manchester Siti"dan kataloniyaliklar safiga o‘tsa, niderlandiyalik futbolchining o‘yin vaqti qisqarishi mumkin va nemis klubi bundan unumli foydalanmoqchi.
"Bavariya" bosh murabbiyi Tomas Tuxel de Yong muxlisi ekani va bu haqda rahbariyatga xabar bergani aytilmoqda.
Futbolchining o‘zi "Barselona"ni tark etishni xohlayaptimi yoki "blaugrana" unga bo‘lgan takliflarni ko‘rib chiqadimi yoki yo‘qmi, hozircha aniq emas.
2022/23 yilgi mavsumda La Ligada de Yong 33 o‘yin o‘tkazib, 2 ta gol urgan.