"Бавария" Френки де Йонгга қизиқиш билдирмоқда.
Sky Sports Deustchland хабарига кўра, "Бавария" ярим ҳимоячининг "Барселона"даги ҳолатини кузатиб бормоқда. Агар Илкай Гюндоган "Манчестер Сити"дан каталонияликлар сафига ўтса, нидерландиялик футболчининг ўйин вақти қисқариши мумкин ва немис клуби бундан унумли фойдаланмоқчи.
"Бавария" бош мураббийи Томас Тухель де Йонг мухлиси экани ва бу ҳақда раҳбариятга хабар бергани айтилмоқда.
Футболчининг ўзи "Барселона"ни тарк этишни хоҳлаяптими ёки "блауграна" унга бўлган таклифларни кўриб чиқадими ёки йўқми, ҳозирча аниқ эмас.
2022/23 йилги мавсумда Ла Лигада де Йонг 33 ўйин ўтказиб, 2 та гол урган.
