"Milan" "Vilyarreal" vingeri Samuel Chukvuezeni sotib olishga e’tibor qaratmoqda.
Relevo jurnalisti Matteo Morettoning xabar berishicha, ispan klubi 24 yoshli futbolchi uchun 25-30 million yevro so‘ramoqda. Milan yaqin kunlarda transfer narxini pasaytirish bo‘yicha muzokaralarni boshlashni rejalashtirmoqda.
2022/23 yilgi mavsumda Chukvueze “Vilyarreal” safida barcha turnirlar doirasida 50 ta o‘yinda maydonga tushib, 13 ta gol urdi va 11 ta golli uzatmani amalga oshirdi. Shartnoma 2024 yilning yoziga qadar mo‘ljallangan. Transfermarkt uning narxini 25 million yevroga baholamoqda.
