Hujumkor yarim himoyachi Anxel di Mariya kelasi hafta "Benfika" bilan shartnoma imzolaydi. Hujjatlar tayyor. Bu haqda nufuzli insayder Fabrisio Romano ijtimoiy tarmoqlarda gapirdi.
35 yoshli di Mariya va "Benfika" o‘rtasidagi mehnat shartnomasi bir mavsumga, 2024 yilning iyun oyi oxirigacha tuzilgan.
Eslatib o‘tamiz, di Mariya 2007-2010 yillarda "Benfika"da o‘ynagan. O‘shandan so‘ng argentinalik futbolchi "Real", "Manchester Yunayted", "PSJ" va "Yuventus" klublarida to‘p tepgan.
2022/2023-yilgi mavsumda Turin klubi safida Anxel 40 ta o‘yin o‘tkazib, 8 ta gol urdi va 7 ta golli uzatmani amalga oshirdi.