Ҳужумкор ярим ҳимоячи Анхель ди Мария келаси ҳафта "Бенфика" билан шартнома имзолайди. Ҳужжатлар тайёр. Бу ҳақда нуфузли инсайдер Фабрицио Романо ижтимоий тармоқларда гапирди.
35 ёшли ди Мария ва "Бенфика" ўртасидаги меҳнат шартномаси бир мавсумга, 2024 йилнинг июнь ойи охиригача тузилган.
Эслатиб ўтамиз, ди Мария 2007-2010 йилларда "Бенфика"да ўйнаган. Ўшандан сўнг аргентиналик футболчи "Реал", "Манчестер Юнайтед", "ПСЖ" ва "Ювентус" клубларида тўп тепган.
2022/2023-йилги мавсумда Турин клуби сафида Анхель 40 та ўйин ўтказиб, 8 та гол урди ва 7 та голли узатмани амалга оширди.