"Manchester Siti" "Leypsig" himoyachisi Yoshko Gvardiol uchun taklif bilan chiqdi, deb xabar beradi Sky Sport Germany. Klub rahbarlari bir necha kundan beri transfer summasi borasida muzokara olib borishmoqda.
Ayni damda “shaharliklar” 21 yoshli xorvatiyalik uchun 90 million yevro + bonuslar to‘lashga tayyor.
Agar "Leypsig" bu taklifni qabul qilsa, Gvardiol dunyoning eng qimmat himoyachisiga aylanadi. Hozirgisi Xarri Maguayr bo‘lib, u uchun "Manchester Yunayted" 2019 yilda "Lester"ga 87 million yevro to‘lagan.
Eslatib o‘tamiz, "Manchester Siti" himoyachi bilan shaxsiy shartnoma shartlarini kelishib olgan.
"Leypsig" Gvardiola uchun kamida 100 million yevro olmoqchi.