"Манчестер Сити" "Лейпциг" ҳимоячиси Йошко Гвардиол учун таклиф билан чиқди, деб хабар беради Sky Sport Germany. Клуб раҳбарлари бир неча кундан бери трансфер суммаси борасида музокара олиб боришмоқда.
Айни дамда “шаҳарликлар” 21 ёшли хорватиялик учун 90 миллион евро + бонуслар тўлашга тайёр.
Агар "Лейпциг" бу таклифни қабул қилса, Гвардиол дунёнинг энг қиммат ҳимоячисига айланади. Ҳозиргиси Харри Магуайр бўлиб, у учун "Манчестер Юнайтед" 2019 йилда "Лестер"га 87 миллион евро тўлаган.
Эслатиб ўтамиз, "Манчестер Сити" ҳимоячи билан шахсий шартнома шартларини келишиб олган.
"Лейпциг" Гвардиола учун камида 100 миллион евро олмоқчи.
