"Arsenal" "Ayaks"dan Yurriyen Timber uchun ikkinchi taklif bilan chiqdi.

Jurnalist Fabrisio Romanoning yozishicha, London klubi “Ayaks”ga ikkinchi rasmiy taklifni yuborgan. "Arsenal" shu hafta shartnomani yopmoqchi. Muzokaralar davom etmoqda.

Avvalroq “Ayaks” “Arsenal”ning 30 million funtlik birinchi taklifini rad etgan edi.

O‘tgan hafta "kanonirlar" Timber bilan 5 yillik shartnoma shartlarini kelishib oldi. Unga ko‘ra, u yiliga 8 million yevro olishi mumkin bo‘ladi.

O‘tgan mavsumda Yurriyen "Ayaks" tarkibida barcha turnirlarda 47 ta o‘yin o‘tkazib, 2 ta gol urdi va 2 ta golli uzatmani amalga oshirdi.