"Арсенал" "Аякс"дан Юрриен Тимбер учун иккинчи таклиф билан чиқди.
Журналист Фабрицио Романонинг ёзишича, Лондон клуби “Аякс”га иккинчи расмий таклифни юборган. "Арсенал" шу ҳафта шартномани ёпмоқчи. Музокаралар давом этмоқда.
Аввалроқ “Аякс” “Арсенал”нинг 30 миллион фунтлик биринчи таклифини рад этган эди.
Ўтган ҳафта "канонирлар" Тимбер билан 5 йиллик шартнома шартларини келишиб олди. Унга кўра, у йилига 8 миллион евро олиши мумкин бўлади.
Ўтган мавсумда Юрриен "Аякс" таркибида барча турнирларда 47 та ўйин ўтказиб, 2 та гол урди ва 2 та голли узатмани амалга оширди.
