Dushanba kuni Madridning "Real" klubi yarim himoyachi Luka Modrich bilan shartnomani uzaytirganini e’lon qildi. 37 yoshli xorvat Saudiya Arabistoniga ko‘chib o‘tishi mumkin edi, ammo Madridda yana bir mavsum qolishga qaror qildi. Nufuzli insayder Fabrisio Romano ijtimoiy tarmoqlarda shu mavzuda xabar yozdi.
"Modrich Saudiya Arabistonidan futbol tarixidagi eng katta maosh takliflaridan birini oldi. U katta hurmat bilan bu taklifni rad etishga qaror qildi. Faqat bitta sabab bor - u o‘z klubi - "Real Madrid"da o‘ynashni, kurashishni va g‘alaba qozonishni davom ettirmoqchi", - deb yozadi Romano.
Eslatib o‘tamiz, Luka Modrich 2012 yilning yozi oxirida "Real"ga o‘tgan edi.