Душанба куни Мадриднинг "Реал" клуби ярим ҳимоячи Лука Модрич билан шартномани узайтирганини эълон қилди. 37 ёшли хорват Саудия Арабистонига кўчиб ўтиши мумкин эди, аммо Мадридда яна бир мавсум қолишга қарор қилди. Нуфузли инсайдер Фабрицио Романо ижтимоий тармоқларда шу мавзуда хабар ёзди.
"Модрич Саудия Арабистонидан футбол тарихидаги энг катта маош таклифларидан бирини олди. У катта ҳурмат билан бу таклифни рад этишга қарор қилди. Фақат битта сабаб бор - у ўз клуби - "Реал Мадрид"да ўйнашни, курашишни ва ғалаба қозонишни давом эттирмоқчи", - деб ёзади Романо.
Эслатиб ўтамиз, Лука Модрич 2012 йилнинг ёзи охирида "Реал"га ўтган эди.