"PSJ" hujumchisi Mauro Ikardi "Milan" safiga qo‘shilishi mumkin.
Sport Mediaset nashrining ta’kidlashicha, milanliklar klubi 30 yoshli argentinalik futbolchining transferi bo‘yicha Fransiya chempioni bilan dastlabki muzokaralarni o‘tkazgan. Manbaga ko‘ra, "Milan" Ikardi uchun taxminan 15-20 million yevro to‘lashga tayyor, biroq kelishuvni izdan chiqarishi mumkin bo‘lgan bitta to‘siq bor. Futbolchining "PSJ"dagi maoshi yetti million yevroni tashkil qiladi, milanliklar uchun bu miqdor juda yuqori.
Oldinroq Ikardiga Turinning "Yuventus" va A Seriyaning boshqa klublari qiziqayotgani xabar qilingandi.
Argentinalik futbolchining PSJ bilan tuzgan mehnat shartnomasi 2024 yilning o‘rtalariga qadar amal qiladi.