"ПСЖ" ҳужумчиси Мауро Икарди "Милан" сафига қўшилиши мумкин.
Sport Mediaset нашрининг таъкидлашича, миланликлар клуби 30 ёшли аргентиналик футболчининг трансфери бўйича Франция чемпиони билан дастлабки музокараларни ўтказган. Манбага кўра, "Милан" Икарди учун тахминан 15-20 миллион евро тўлашга тайёр, бироқ келишувни издан чиқариши мумкин бўлган битта тўсиқ бор. Футболчининг "ПСЖ"даги маоши етти миллион еврони ташкил қилади, миланликлар учун бу миқдор жуда юқори.
Олдинроқ Икардига Туриннинг "Ювентус" ва А Сериянинг бошқа клублари қизиқаётгани хабар қилинганди.
Аргентиналик футболчининг ПСЖ билан тузган меҳнат шартномаси 2024 йилнинг ўрталарига қадар амал қилади.