"Barselona" himoyachisi Kleman Langle "Tottenxem"ga qaytishi mumkin.

Himoyachi o‘tgan mavsumda APLda ijara asosida "shporlar" safida o‘ynadi. Ijara muddati tugagach, "Tottenxem" futbolchini sotib olish variantidan foydalanmasdan "Barselona"ga qaytarib yubordi.

Qayd etilishicha, “Barselona” tezroq bosh murabbiy Xavi rejalariga kiritilmagan futbolchilardan qutulishni istamoqda. Langle ulardan biri, shuning uchun "Barsa" darhol londonliklar bilan transfer bo‘yicha muzokaralarni boshladi.

Ayni damda tomonlar narx bo‘yicha kelisha olmayapti va muzokaralarda boshi berk ko‘chaga kirib qolgan. Kataloniyaliklar ushbu sotuvdan 15 million yevro talab qilmoqdalar, "Tottenxem" esa Langle uchun 5 milliondan ortiq to‘lamoqchi emas.