"Барселона" ҳимоячиси Клеман Лангле "Тоттенхэм"га қайтиши мумкин.
Ҳимоячи ўтган мавсумда АПЛда ижара асосида "шпорлар" сафида ўйнади. Ижара муддати тугагач, "Тоттенхэм" футболчини сотиб олиш вариантидан фойдаланмасдан "Барселона"га қайтариб юборди.
Қайд этилишича, “Барселона” тезроқ бош мураббий Хави режаларига киритилмаган футболчилардан қутулишни истамоқда. Лангле улардан бири, шунинг учун "Барса" дарҳол лондонликлар билан трансфер бўйича музокараларни бошлади.
Айни дамда томонлар нарх бўйича келиша олмаяпти ва музокараларда боши берк кўчага кириб қолган. Каталонияликлар ушбу сотувдан 15 миллион евро талаб қилмоқдалар, "Тоттенхэм" эса Лангле учун 5 миллиондан ортиқ тўламоқчи эмас.
