May oyi oxirida reanimasiyaga yotqizilgan "PSJ" darvozaboni Serxio Riko hali ham Sevilyadagi Virxen-del-Rosio kasalxonasining reanimasiya bo‘limida yotganiga qaramay hushida va hatto yaqinlari bilan gaplashmoqda, deya xabar bermoqda L'Équipe nashri.

28 may kuni Rikoning boshiga ot urilganidan keyin vertolyotda shifoxonaga yetkazilgan. OAV xabariga ko‘ra, darvozabonning miyasiga qon quyilishi tashxisi qo‘yilgan.

"Serxio gapiryapti. U bizni ism bilan chaqirdi, kimligimizni juda yaxshi bildi, u ajoyib xotiraga ega", - dedi 29 yoshli futbolchining rafiqasi Alba Silva. “Umid qilamanki, imkon qadar tezroq u reanimasiyadan chiqadi. Shifokorlar ishonch hosil qilishlari kerak, ammo ular hali qaror qilishmagan. Biz ularga ishonamiz” - deya qo‘shimcha qildi futbolchining rafiqasi.

Rafiqasining tan olishicha, Riko nima uchun kasalxonaga yotqizilganini hali ham tushunmaydi. “U to‘liq gapira olguncha kutishimiz kerak. Biz uni yaxshi va xotirjam his qilishiga harakat qilyapmiz" - dedi.