Londonning “Arsenal” jamoasi “Manchester Siti”dan yana bir futbolchini taklif qilmoqchi bo‘ldi. Jurnalist Fabrisio Romano xabariga ko‘ra, "kanonirlar" kecha "Barselona"ga o‘tishini rasman yakunlagan yarim himoyachi Ilkay Gyundoganni o‘z saflarida ko‘rishni xohlashgan.
Manbaning ta’kidlashicha, "Arsenal" Gyundoganni o‘z loyihasi uchun juda muhim futbolchi sifatida ko‘rgan, ammo futbolchining o‘zi "Barselona"da o‘ynashni orzu qilgan, shuning uchun u Mikel Arteta jamoasidan bosh tortgan.
Eslatib o‘tamiz, Gyundogan erkin agent sifatida yangi jamoaga o‘tdi, chunki uning "Manchester Siti" bilan shartnomasi yakuniga yetdi.
